Ղեկավարվելով «Տեղական ինքնակառավարման մասին»» Հայաստանի Հանրապետության օրենքի 18-րդ հոդվածի 1-֊ին մասի 31-րդ կետի, Հայաստանի Հանրապետության Հողային օրենսգրքի 3-րդ հոդվածի 1-ին մասի 1-ին կետի, 8-րդ հոդվածի 1-ին մասի, Հայաստանի Հանրապետության կառավարության 2011 թվականի դեկտեմբերի 29-ի թիվ1918-Ն որոշման 2-րդ և նույն որոշմամբ հաստատված կարգի 17-րդ կետերի դրույթներով և հիմք ընդունելով Հայաստանի Հանրապետության վարչապետի 2001 թվականի օգոստոսի 13-ի N 599 որոշմամբ ստեղծված հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2021 թվականի օգոստոսի 6-ի թիվ 173 դրական եզրակացությունը, Հայաստանի Հանրապետության Շիրակի մարգի Մարմաշեն համայնքի ավագանին
որոշում է` 1.Հաստատել Հայաստանի Հանրապետության Շիրակի մարզի Մարմաշեն համայնքի հողերի օգտագործման ժամանակավոր սխեմայում հողամասի նպատակային նշանակությունը փոխելու վերաբերյալ համայնքի ղեկավարի առաջարկությունը, որով նախատեսվում է՝ Հայաստանի Հանրապետության Շիրակի մարզի Մարմաշեն համայնքի վարչական սահմաններում, Մայիսյան բնակավայրում գտնվող «Մ․ԻԳԻԹՅԱՆ» սահմանափակ պատասխանատվությամբ ընկերությանը սեփականության իրավունքով պատկանող 08-077-0215-0002 կադաստրային ծածկագրով գյուղատնտեսական նպատակային նշանակության 0․4 հեկտար (անշարժ գույքի նկատմամբ իրավունքների պետական գրանցման վկայական՝ 1279809, տրված 09․03․2005թ․, հասցե՝ մարզ Շիրակ, Մարմաշեն համայնք, գյուղ Մայիսյան, Մայիսյան-Գյումրի խճուղի, 11-րդ հողամաս) նախատեսված վարելահողը փոխադրել բնակավայրերի նպատակային նշանակության՝ հասարակական կառուցապատման գործառնական նշանակության, այդ հողամասում հեղուկ գազի լցակայան կառուցելու նպատակով և հողի նպատակային նշանակությանը համապատասխան թույլատրված հողօգտագործում ապահովելու համար:
2.Հայաստանի Հանրապետության Շիրակի մարզի Մարմաշեն համայնքի ղեկավար Կարեն Արշակյանին՝
1) ապահովել սույն որոշումից բխող անշարժ գույքի նկատմամբ իրավունքի պետական գրանցումը,
հողամասի նպատակային նշանակության փոփոխության և հողերի ընթացիկ հաշվառման տվյալների հիման վրա համայնքի հողային հաշվեկշռում կատարել համապատասխան փոփոխություն: |